Psicóloga en Santiago de Compostela
Elizabeth Moss
Ola! Son Elizabeth, psicóloga xeral sanitaria.
Acompaño a persoas adultas desde un espazo cálido, seguro e sen xuízo, combinando empatía, escoita e humanidade compartida.
Traballo con ferramentas baseadas na evidencia para axudarte a comprender o que doe, reconciliarte coas túas emocións e atopar maneiras máis amables de estar contigo e coa túa contorna.
A vulnerabilidade non é debilidade; é a maior mostra de coraxe.
– Brené Brown
Como che podo acompañar?
Ás veces a vida desordénase un pouco. Hai momentos nos que custa entender que está a pasar, cando o cansazo pesa ou as emocións semellan demasiado grandes.
O meu traballo consiste en ofrecer un espazo no que poder parar, mirar o que ocorre e poñerlle palabras, sen présa e sen xuízos.
Podemos traballar en conxunto se estás a atravesar unha etapa de ansiedade, tristeza ou bloqueo; se che resulta difícil relacionarte contigo ou con outras persoas; se sintes que repites patróns que non che fan ben; ou se simplemente buscas un lugar onde sentir acompañamento e comprensión.
Non se trata de “arranxar” nada, porque non hai nada roto. Trátase de acompañar o proceso de comprenderte e de ir atopando novas maneiras de coidarte, con amabilidade e respecto polo teu propio ritmo.
Os meus valores
Terapia presencial e online: flexibilidade adaptada a ti
Hoxe en día, non sempre é fácil atopar tempo ou condicións para acudir a unha consulta presencial. Por iso, ofrézoche a posibilidade de realizar o teu proceso terapéutico de forma presencial en Santiago de Compostela ou ben online, desde calquera lugar.
Se prefires acudir en persoa, atoparás un espazo acolledor e privado, pensado para que te sintas en confianza desde o primeiro momento. Se, en cambio, che resulta máis cómodo conectarte desde casa ou vives fóra de Santiago, tamén podes realizar o teu proceso terapéutico por videochamada, coa mesma calidade profesional e total confidencialidade. Ambas opcións son igual de eficaces, e podes utilizalas segundo as túas necesidades ao longo do proceso.
Elixe como queres coidar a túa saúde emocional. O importante é empezar.
Se sentes que este pode ser o teu espazo, podemos falar
Podes escribirme ou chamarme para resolver calquera dúbida, sen compromiso. Ás veces o primeiro paso non é pedir unha cita, senón simplemente conversar e ver se encaixamos. Realizo sesións en Santiago de Compostela e tamén online, para que poidas elixir o que che resulte máis cómodo.
Enche o formulario e chamareiche canto antes